Ekimeneko kartela
Arrakala proiektuaren sorrera bideoa (© Arrakala)
"Oporretako atseden goxoa" alde batera utzita, Erandioko Txoko Feministak bere zereginari ekin dio berriro, "kaña sartzeko gogoz". Ikasturtea martxan jartzeko eta "gure jarduerari ongi etorri indartsua" emateko asmoz, Bilgune Feministak eta Topatuk prestatutako "Arrakala, zirrikitu bat haitzean" dokumentala proiektatu eta horren inguruan solastatuko dira urriaren 11n, larunbata, Altzagako merkatu zaharrean, goizeko 11etan. Saioa elebiduna izango dela aurreratu dute. "Erandio more usaina izateko irrikitan" dabilen emakume taldea "bizi garen mundu desorekatu honen inguruan amorrualdiak, ilusioak, ardurak, interesak… eta abar luze bat konpartitzeko elkartzen" ohi da. Urriaren 11ko ekitaldia irekia izango da eta Erandioko Txoko Feministako kideak oraindik ezagutzen ez dutenak propio gonbidatu dituzte: "jakin mina izatekotan, aprobetxatu aitzakia eta gerturatu!". Argazkian, Arrakala proiektuaren partaide batzuk / © Arrakala.
"Arrakala" dokumentalaren abiapuntu diren galderak honakoak dira: "Zer da heteroaraua? Nola egituratzen da bizi garen jendartean? Nola eragiten digu gure bizitzetan eta harremanetan: familian, testuinguruan, desiran, nortasunean, generoan...?". Galdera horiei heltzen die zintak, BIlgune Feminista eta Topatuko kideek bere aurkezpenean azaldu zuten bezala. "Normaltzat saldu diguten haitz zurrun horren erraietan ez gara gustura sentitzen, eta galdera horiei nolabaiteko erantzuna bilatu nahian, Arrakala proiektua jarri dugu martxan", adierazi zuten orduan sustatzaileek. Euskal Herria lurralde eremutzat hartuta gai hori lantzen duen ikus-entzunezkorik ez zegoela ikusita, Topatu gazte proiektu komunikatiboa eta Bilgune Feminista elkarlanean, lantalde bat osatu eta jende sare baten laguntzaz, euskarri nagusi gisara sortu zuten "Arrakala, zirrikitu bat haitzean" dokumentala.
Ekimeneko kartela
Arrakala proiektuaren sorrera bideoa (© Arrakala)
Ekimeneko kartela
Arrakala proiektuaren sorrera bideoa (© Arrakala)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun