Ilobak aisialdi ontziaren hiru tripulatzaileak eta beraien txakurra erreskatatu ditu gaur goizean, 11:16an, Salvamar Alcyone itsasontziak. Espainiako Gobernuaren Itsas Salbamendu zerbitzuak zehaztu duenez, salbamendu-baltsa batean zeuden lauak, Plentziatik 10 milietara ipar-ekialdera, Ilobak ondoratzen ari zelako. Uretan zegoen objekturen batekin talka egin ostean, zuloan egin zaie hamar metroko luzera duen ontzian. Egoera onean heldu dira Getxoko portura hiru lagunak eta txakurra. SOS Deiak Bizkaiak 10:28an eman dio abisua Bilboko Salbamendu Koordinazio Zentroari eta, handik gutxira, gerturatu da Salvamar Alcyone salbamendu itsasontzia eta Ertzaintzaren helikoptero bat. Ia guztiz hondoratuta dago Ilobak. Hori dela eta, Itsas Salbamendu zerbitzuak abisua emititzen ari da irrati bidez, beste talkarik egon ez dadin. Argazkian, Salvamar Alcyone interbentzio azkarreko ontzia izan da erreskateaz arduratu dena / cc-by-nc-nd zerocool225.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun