Kuotetan hobaria duten bazkideek eskubidea izango dute hobari berbera izateko jardueretan, baina jarduera bakarra erabiltzaile bakoitzeko. Kasu hauetan, izen emateak berriztatzeko, horretarako beren-beregi jarritako epean egin beharko da, hau da, hil bakoitzeko 15etik eta 25era bitartean, kiroldegiko harreran.
Kuota ordaintzen ez bada izena emandako jarduera edo ikastaroren baten, edo bankuko ordainagiria itzultzen bada, jardueran baja automatikoa izatea suposatuko du horrek. Kuota hori zorra izango da eta ordaindu beharko da Leioako udal kirol instalazioetako edozein jarduera edo ikastarotara izena eman ahal izateko.
Urrian hasiko diren Sakoneta kiroldegiko asteburuko jardueretan izena emateko epea zabalik du jada Leioako Udalak. Ikastaroak hilabetekakoak izango dira, 2014ko urriko lehen asteburutik 2015eko ekaineko azkenera, tokiko arduradunek adierazi dutenez. Hilero ordainduko da kuota eta derrigorrezkoa da ordainketa helbideratzea. "Uztailaren 15a baino lehen bajarik eskatzen ez bada, jardueran izena emanda jarraituko duzu hurrengo ikasturterako. Ez dira udako hilabeteak kobratuko, ez baitago jarduerarik", azaldu dute. Jardueretan izena emateko edo baja eskatzeko idatziz egin beharko da, ezarritako epeen barruan. Altak, hileko edozein momentutan. Hilaren 16tik aurrera, hilabete erdia dela ulertuko da. Izen emateak kiroldegiko harreran egin behar dira. Leioako udal kirol instalazioetako edozein jarduera edo ikastarotan baja eskatzeko, berriz, idatziz egin beharko da. Idazkia Sakoneta kiroldegiko bulegoetan aurkeztu beharko da, edo bestela, posta elektronikoz (uki.idmleioa[abildua]leioa.net), betiere bajak efektua izango duen hilaren aurreko 25a baino lehen. Argazkian, pilates saioa / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun