Getxoko Ahal Duguren ustez, erakunde publikoek "guztion interesa babestu" beharko lukete, eta "aurrekontu publikoak zorrotz eta gardenki kudeatu" behar dituzte. Beraz, "agintari publikoen eta promotore finantziario eta inmobiliarioen arteko lagunkeriarik ez dagoela ziurtatzeko" neurri guztiak hartu behar direla dio ezkerreko taldeak. Hori horrela izan dadin, egitasmo honen arlo guztiak erabat "argiak eta gardenak" izan behar dira: aparkalekuaren helburua bera, eraikuntzaren baldintzak, Uribe Kosta korridoretik izango dituen sarbideak, eta desjabetzeen baldintzak.
Ibarbengoa metro geltoki "fantasmagorikoaren" eraikuntza bera, eta horren ondoan egin nahi duten aparkalekua (lurrazpiko 3 solairukoa) Bilboko Metroaren erabilera errazteko justifikatuta ez daudela uste dute Ahal Dugutik, "askoz gehiago erabiltzen zen Getxoko geltoki zaharra desagertarazi zutela ikusita". "Gainera, Berangon, Leioan, Lamiakon, Areetan eta Lutxanan badaude metroaren ondoan kokatutako aparkaleku nahikoak", diote.
Gardentasuna
Jarraitu dutenez, behar dugun garapen eredua gardena izan behar du eta ezin da “pelotazo” urbanistiko edo "burbuila inmobiliarioan" oinarritu, "pairatzen dugun krisi ekonomikoa horien ondorioa baita". Ahal Duguk kudeaketa gardenagoa eta parte-hartzaileagoa egitea proposatzen du, eta politika zein irtenbide desberdinak bilatzea, proposamenak eta ereduak herritarron artean eztabaidatuak izan daitezen. "Irizpide hauek eta ekologia zein gizarte arlokoak Tosuko kanpaldiaren protestaren oinarrian daude", aipatu dute. Horregatik, Getxoko Ahal Duguk elkartasuna eta konpromiso osoa adierazi die protestaldia egiten dabiltzan herritarrei.
Inork erabiltzen ez duen Ibarbengoa metro geltoki ondoan eraiki nahi duten aparkalekuaren inguruan Udalak egindako kudeaketa gaitzetsi du Getxoko Ahal Dugu (Podemos) taldeak. Ildo horretan, eraikuntza horretarako erabili nahi duten lursailean kanpaldia eginez "erresistentzia baketsua" egiten ari diren herritarren mugimenduaren alde agertu da ezkerreko formazioa. Bi dira Ahal Duguk eskatzen dituenak. Batetik, mahaigaineratu dutenez, URAk, Uraren Euskal Agentziak, esan duenez, inguru horretan lurrazpiko akuifero naturala dago. "Beraz, ezer eraiki baino lehen, eraikuntza horrek ingurugiroan izango duen eragina baloratzeko txostena egitea derrigorrezkoa da, egitasmoak ingurugirorako ekar ditzakeen kalteak identifikatzeko eta ekiditeko", azaldu dute ezkertiarrek. Bigarrenik, lursailaren jabea den Viviendas de Vizcaya enpresa pribatuari egingo zaion desjabetzearen baldintzak "argiak, publikoak eta herritar guztientzako eskuragarriak" izan behar dira, Ahal Duguren iritziz. "Enpresa horrek 2006ko HAPOk aurreikusten zituen 8000 etxebizitza eraikitzeko erosi zituen lursaila, eta orain teknologia handiko industrialde bihurtzeko asmotan dabiltza", gogoratu dute. Argazkian, kanpin dendak Ibarbengoa geltokitik gertu, artxiboko irudiak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun