Emakumeak Ertzaintzari esan zion bere borondatearen kontra atxikita egon zen tartean, bikotekideak fisikoki eraso egin ziola, lesio arinak baitzituen, bai eta sexualki eraso ere. Ospitalera eraman zuten biktima, pairatutako lesioak sendatzeko. Erandioko aipatu etxebizitzan bizi ziren elkarrekin.
Ertzainak, gertatutakoaren berri izan bezain pronto, ustezko erasotzailea bilatzen hasi ziren. Horrek, bada, 21 urte ditu eta baimen bat zuen, hirugarren mailako zigorra betetzen ari baitzen Basauriko espetxean. Akusatuari sexu-erasoa eta eraso fisikoa egitea eta legez kontra atxikitzea leporatu dizkiote.
Ertzaintzak 21 urteko gizonezko bat atxilotu zuen atzo (asteartea) arratsaldean Erandion, genero-indarkeria eta legez kontra atxikitze delitu bana egotzita; biak, bikotekidearen kontra. Eusko Jaurlaritzaren Segurtasun Sailak zabaldutakoaren arabera, emakumea 24 ordu baino gehiagoz egon zen bere etxebizitzan atxikita, eta tarte horretan bikotekideak fisikoki eta sexualki eraso egin zion. Azkenik, erasoarengandik ihes egitea lortu zuen, eta gertatutakoa salatu. Andreak deklaratutakoa hizpide, gertakariak hilaren 29ko 09:00etan hasi zirela adierazi dute polizia iturriek; eta atzo goizean amaitu, etxebizitzatik ihes egitea lortu zuenean. Bertsio horren arabera, bikotekideak etxebizitzan atxiki zuen, baina askatu eta sabai-leihotik atera zen, teilaturantz. Emakumeak tokitik ihes egitea eta Ertzaintzari gertatutakoa salatzea lortu zuen. Argazkian, emakumeenganako indarkeriaren kontrako kontzentrazioa Erandion, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun