Getxoko Udalak, Europako Gizarte Funtsaren Valora proiektuarekin batera finantzatuta, udalerriko saltokiei zuzendutako programa berritzailea jarri du martxan: Dendari izenekoa. Merkataritzari laguntzeko proiektu berri horrekin, honako alderdiak hobetzea lortu nahi da: parte hartzen duten establezimenduen lehiakortasuna eta kudeaketa eta merkatarien enpresa gaitasuna. Horretarako, hainbat saio diseinatu da: ikaskuntza praktikorako saioak, saio pertsonalizatuak eta etengabeko hobekuntzan merkatariei lagunduko dieten adituen laguntasun jarraitua, tokiko arduradunek zehaztu dutenez. Epe laburrerako helburua Gabonetako kanpainarako prestatzea izango da. Programa osoa asteartean, urriaren 7an, aurkeztuko dute, 14:15ean, Getxolanen (Getxo Elkartegia, Areetako Ogoño kalea, 1). Informazioa: 944660 140 edo getxolan[abildua]getxo.net. Argazkian, Areetan paratutako elkartegian dago Getxolan / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun