Contrapunto Local Getxoko komunikabidea jendaurrean aurkeztuko dute gaur

Erabiltzailearen aurpegia
Getxo udalerriko albisteak espainolez eskaintzen dituen Contrapuntolocal.es agerkari digitalak jendaurreko aurkezpen irekia egingo du gaur, 19:30ean, Algortako Tamarises hotelean, Ereaga hondartzaren aurrean. Tokiko komunikabidea 2012an jaio zen, Lander Mardaras Areitio kazetari getxoztarrak bultzatuta. Handik hona ehunka informazio kaleratu du, Udal Gobernua estu jarraituta, komunikabidearen leloari jarraiki: "Dena ondo dabilela diotenen kontrapuntua gara. Linea kritikoa baina eraikitzailea dugu". Ildo editorialari dagokionez, euskararen aldeko diskriminazio positiboaren aurkako jarrera darabil Contrapuntolocal.es, eta maila politikoan unionismo espainol konstituzionalistan koka daiteke. Gaurko ekitaldiari begira komunikabideko kideek azpimarratu dutenez, "bi urte daramatzagu lanean udalerriko gaurkotasunari buruzko gizarte, politika eta ekonomia albisteak argitaratzen, eta bazen garaia jendaurrean agertzeko". Era berean, Tamarisesen "proiektua indartzeko urrats bat gehiago ematea" espero dute.
Lander Mardaras Contrapuntolocal.es agerkariaren erreferente publikoa Ikus-entzunezko Komunikazioan lizentziatu zen Leioa eta Erandioko campusean eta hainbat komunikabidetan aritu da Contrapuntolocal.es abiatu aurretik. Besteak beste, Somosradio Vizcaya, Onda Vasca, Telebilbao, Radio Nervion eta Radio Nacional de España-n jardun du.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun