Igandean, urriak 5, 09:30ean, EHUren Leioa eta Erandioko campuseko kiroldegian hasiko da Jakintzaren Bidea ibilketaren VIII. edizioa. Ibilaldiak 17 kilometro izango ditu eta Zamudioko Bizkaiko Zientzia eta Teknologia Parkean bukatuko da. Edonork parte hartu ahal du eta EHUko ikasleek aukera askeko kreditu bat edo graduko kreditu bat lortuko dute ibilbidea eginez gero. Izena emateko epea urriaren 3ko 13:00etara arte irekita egongo da. Inskripzio doakoa da eta Internet bidez zein EHUko Bizkaiko Campuseko Kirol Zerbitzuko bulegoan (Unibertsitateko Kiroldegia) egingo da. Igandean, 08:30ean, bai Bizkaiko Parke Teknologikotik, bai Astrabuduako metro geltokitik autobusak izango dira martxa hasiko den lekura garraiatzeko. Bueltan, Barco Eraikina, Teknologi Parkean 13:00etatik aurrera egongo dira Astrubuduako metro geltokira eta EHUko kiroldegira iristeko. Argazkian, Jakintzaren Bidea ibilaldiko aurreko edizioetako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun