Zoritxarrez parte hartzean Gobernu Taldeak erakusten duen jarrera ikusita eta iraileko Komisioan bilerak egiteko asmoa agertu ez dutenik ikusita, ez dugu esperantza handirik aipatu neurriak hartuko dituenik. Horregatik, EH Bildukook herriko zenbait ostalari eta bizilagunekin konpartituko dugu zirriborroa euren ekarpenak jaso eta helarazi ahal izateko. Inork Terrazen Ordenantza berriaren inguruko interesa izanez gero gurekin harremanetan jartzera deitzen dugu bildugetxo[abildua]gmail.com emaila edo 944 660 280 telefonoa erabiliz.
Getxoko EH Bildu
Getxoko EH Bildu: "Terrazen ordenantza berrikusteko ostalariekin biltzea beharrezkoa da"
Joan den uztaileko Hirigintza eta Lehendakaritza komisioetan jakinarazi zitzaigun talde politikooi Gobernu Taldeak “Espazioetan Terrazak eta Barrak jartzea arautzen duen udal Ordenantza” berrikusteko duen asmoa. EH Bildutik positiboki baloratzen dugu aukera hori; izan ere, gaur egungo Ordenantza zaharkitua egoteaz gain, zalantzarako tarte gehiegi uzten ditu eta ostalarien aldetik kexu asko egon dira horrek suposatzen dizkien zailtasunengatik. Hala ere, ezinbestekoa ikusten dugu Terrazen Ordenantza berria, horren zuzeneko eragina biziko dutenekin elkarlanean lantzea, modu parte hartzailean; udaleko Merkataritza Mahaian parte hartzen duten ostalariez gain, gainontzekoei ere aukera zabaltzeko. Horregatik, uztaileko komisioan eskatu genuen Gobernu Taldeak bilera ireki bi dei ditzala Algorta-Andra Mari eta Itzubaltzeta / Romo-Areeta zonaldeetako ostalariek informazioa lehen eskutik ezagutu eta nahi beste ekarpen egin ditzaten. Horrez gain, ostalariak ez diren, baina interesa duten auzokideei ere, zirriborro proposamena kontsultatu eta ekarpenak egiteko bideren bat zabaltzea eskatzen dugu. Argazkian, terraza bat Algortan, artxiboko irudian / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun