Larunbat eta igande hauetan, urriak 4 eta 5, Euskal Herriko Goitibeheren bigarren Kopa jokatuko da Erandion, goizez (10:00etatik 13:00etara) zein arratsaldez (15:00etatik 19:00etara). Izen-ematei dagokienez, gaur egin beharko dira horretarako denbora 21:00ak arte dagoela. Ibilbideak 0,9 kilometroko luzera dauka eta %10eko malda, Jon Astui Inertzia Kirolen Federazioko ordezkariak zehaztu duenez. Irteera hilerriaren bidegurutzean izango da, goitibeherek Altzaga ikastolara doan bidea hartuko dutela. Helmuga, berriz, Obieta eta Nafarroa Behera kaleen arteko zebrabidean jarriko dute. Bestalde, Pekelukas elkartearentzako dirua bilduko dute asteburu osoan zehar, euro bateko txartelen bitartez. Aipatu taldeak ileordeak egiten ditu, minbizia edukita kimioterapia ematen ari zaizkien 14 urte baino gutxiagoko umeak dituzten baliabide urriko familiei emateko. Argazkian, hainbat herritako jaietan ikuskizuna dira goitibehera jaitsierak / cc-by-sa Asier Arrate.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun