Algortako Ernai: "Herrian jarri diren gudarien plaken harira"

Erabiltzailearen aurpegia Ukberri 2014ko urriaren 6a

Gudari egunean, irailaren 27an, Algortako kale eta plazak gudarien izenekin jantzita agertu ziren; bertan, plaka bana zegoelarik euren izena eta figura oroituz. Plakek, Estatuak eta Estatu bortizkeriak eraildako euskal militanteak omentzen zituzten: Juan Paredes Manot “Txiki” eta Angel Otaegi fusilatuak; Eustakio Mendizabal “Txikia”, poliziek eraila; Xabier Galdeano, GALek eraila; Aitor Elortza, baldintza ankerretan heriotzeraino konfinatua; eta Anjel Figueroa, espetxe politikak eraila. Gure ustez, ezinbestekoa da gudarien memoria eta oroimena bizirik mantentzea herri honen historia ahanzturan erori ez dadin. Horregatik, Algortako Ernaik oso positiboki baloratzen du ekimena eta bere babes osoa ematen dio. Beharrezkotzat jotzen ditugu horrelako ekimenak: herri honen askapen borrokan, gudariek euren konpromisoa muturreraino eraman izana omentzen duelako eta baita gatazkaren konponbidean aurrera egitea ahalbidetzen duelako ere; azken honek, instituzio eta epaitegiek ukatu dizkieten biktima izaeraren aitortza ematen baitie. Estatu bortizkeriaren biktimak, hain zuzen ere. Argazkian, Francok fusilatutako Juan Paredes Manot “Txiki” eta Angel Otaegiren omenezko plaka / cc-by-sa Algortako Ernai.

Ekimen honen aurrean, nola ez, alderdi eta elkarte erreakzionario ultraeskuindarren erreakzioak entzun izan dira. Getxoko PPk “Txikia”-ren plaka kentzea exijitu du eta Covitek, plaka kentzea exijitzeaz gain, Auzitegi Nazionalean salaketa jarriko duela ohartarazi du. Gainera, komunikabide faxistek ("ABC", "El Correo", "Contrapunto Local") berria testuingurutik atera dute, adierazpen askatasuna delitutzat salatuz. Argiak dira haien helburuak: lehenik eta behin, konponbidea oztopatzea, gatazkaren biktima guztien onarpena ukatuz eta Euskal Herriko historiatik deseroso zaizkien pasarteak ezabatuz. Eta bigarrenik, ukatuak zaizkigun historiaren pasarte hauek gogoratu eta herri honen memoriara ekartzen dituzten pertsonak kikildu, kriminalizatu eta salatzea. Azken finean, herri honen historia ezabatu eta ukatzea.

Erreakzio hauen aurrean, PNVko Udal Gobernuak plakak erretiratzeko agindua eman du. Algortako Ernaik, oso kaltegarritzat jotzen du PNVren jarrera, konponbidea blokeatu nahi dutenen alde posizionatuz eta euren aginduak betez Euskal Herrian martxan den prozesuak ez baitu aurrera egingo. Horregatik, PNVri gatazkaren konponbidean aurrerapausoak ematea exijitzen diogu, gatazkaren biktima guztien aitortzatik eta onarpenetik hasita.

Coviteren jarrera, berriz, tamalgarria iruditzen zaigu. Lotsagarria da benetan biktima eta biktimen errespetua arma politiko gisa erabiltzea, eta are lotsagarriagoa helburua konponbidea blokeatzea eta herri honen historiaren zati bat ezabatu eta ukatzea denean. Benetan higuingarri eta lotsagarria.

Plaken eta utzitako hutsunen argazki multzoa (cc-by-sa Algortako Ernai)

komunikaua.odt

Algortako Ernai

Iritzia Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun