Txoko irabazleak, ohiko Aixerrota oroigarriaz gainera, sukaldaritzako kalitatezko produktuak jaso zituen sari gisa, hala nola, bakailaoa erosteko bale bat, arrain hori prestatzeko errezeta liburua eta Leioako Ostalaritza Eskolaren oroigarriak. Bigarren eta hirugarren sariak ere delicatessen produktuak izan ziren, bakailaoaren errezeta liburua eta Leioako Ostalaritza Eskolako oroigarriak, hurrenez hurren.
Areetako Eskoletako plazan egindako bosgarren ekitaldian azpimarratzekoa izan zen parte hartu zuten "sozietateen arteko jai eta adiskidetasun giroa, hala nola, hurbildu zen jendetza, tartean turista atzerritarrak", udal iturriek azpimarratu dutenez. Horiek txokoek hamaiketakorako prestatu zituzten pintxo ezberdinak dastatu ahal izan zituzten.
Itzubaltzeta / Romoko Pinueta auzoan kokatuta dagoen Irakatsi Jan txokoak irabazi du Getxoko Udalak antolatutako “El Secreto de sus Txokos” lehiaketaren bosgarren edizioa. Tokiko ekonomia sustatu eta dinamizatzeko jarduera-egitarauaren barruan pasa den larunbat goizean Areetan egindako ekimenak epaimahai ezaguna izan zuen: Aitor Elizegi sukaldaria, Txemi Santamaria eta Igor Ozamiz, hurrenez hurren, Leioako eta Artxandako Ostalaritza Eskoletako ordezkariak eta Arkaitz Lopez Giraldo bakailao enpresako kideak. Epaileek “bizkaitar erara” prestatutako bakailao kazola onena “Irakatsi Jan” txokoarena izan zela erabaki zuen. Bigarren postua Itzubaltzeta / Romoko “Hamabostekoak” txokoarentzat izan zen eta hirugarrena Algortako “Punta Galea”-rentzat. Argazkian, Irakatsi Jan txokoko partaideak Josu Loroño zinegotziarekin / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun