Herritarren kexu eta aldarrikapenak ere izan ditu hizpide Getxoko EH Bilduk: "sortzen dituen gastuak diru publikoaz ordaintzeagatiko kexua, zergak gainontzeko herritarrak bezala ez ordaintzeagatiko kexua, inguruko auzokideei sortzen dizkien arazoak, justifikatu gabeko polizia kontrol bortitzengatik sufritu beharrekoa... Azken urteotan gainera, herri barruan (Villamonten, Euskal Herria kalean...) egindako justifikatu gabeko kontrolak areagotu egin dira" .
Guardia Zibilaren kuartel-etxeari buruzko mozioa (pdf)
Badira hiru urte baino gehiago ETAk su-eten iraunkorra eta aldebakarrekoa adierazi zuela. Baina, oraindik orain, igande honetan, urriak 12, Pilarreko Ama Birjina bere patroiaren eguna ospatuko dute Algortako Arene kaleko kuartel-etxean bizi diren guardia zibilek. Hori dela eta, Getxoko EH Bilduk uste du "heldu dela ordua kuartel-etxean bizi diren guardia zibilak, errepliege orokor baten barruan, beren sorlekuetara itzul daitezen, kuartel etxea hustuz". Horixe bera eskatuko dute urriko osoko bilkurarako aurkeztutako mozioan. Kuartel-etxea hustu ondoren, Getxoko herriaren eskuetan jar dadin nahi du koalizio ezkertiarrak, "behar diren erreformak egin eta gero, alokairu sozialeko etxebizitza babestuak edo lehentasunezkoa jotzen den beste azpiegitura batean birgaitzeko". Izan ere, EH Bildukoen iritziz, "asko dira herri honek dituen azpiegitura gabeziak, aurretik Getxon egondako beste kuartel batzuekin egin bezala, kuartel etxea hustuz eta herritarrei edo udalari emanez ase daitezkeenak: alokairuzko etxebizitza sozialak, etxe gabekoentzako aterpetxea, ekintzak antolatzeko lokalak, eta abar". Argazkian, Guardia Zibila Algortako Salsidu kalean egindako atxiloketa batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun