"Tresna horren bitartez, balizko bezeroei, produktu eta zerbitzuen bilaketa erraztu nahi zaie, merkataritza zentro edota kate handietara jo ez dezaten; eta, aldi berean, herriko saltoki txiki eta ertainean erosiz, bertako ekonomia berrindartzen lagundu ahal dezaten", azaldu dutenez. Planetafan izeneko plataforman, herritar eta bisitariek udalerriko merkataritza eta aisiarako eskaintza kontsultatu dezakete. Hau da, erabiltzaileak, aurkitu nahi duen produktu edo zerbitzu zehatz bat, bere kokapenetik gertueneko zein saltokitan eros dezakeen ikusiko du, eta establezimendu horretan promozioren bat dagoen jakin ere bai: deskontu, zozketa, berrikuntza, jarduera, eta abar...
Gainera, erabiltzaileak, berari interesatzen zaizkion establezimenduak hautatu ditzake, hauen promozioen berri jasotzeko soilik, eta interesatzen ez zaizkion produktu eta zerbitzuei buruzko informazioa jasotzea ekidinez, herriko saltokiei, bezero kate fidel bat sortzeko aukera emanez horrela.
Herriko merkataritzaren batura
Bizkaia ez da sistema hau ezarri duen probintzia bakarra. Gipuzkoako eta Arabako beste zenbait udalerritako eskaintza komertziala ere topatu ahal izango dugu, besteak beste, Azpeitia edota Laudiokoa. Gainera, urte honetan zehar autonomi erkidegoko gainontzeko udalerritan ezarriko da. Modu honetara, Euskadiko merkataritza lokal guztia, euskarri batean elkartu eta herri mailako ekonomia, modu bateratu batean sustatu ahal izateko.
Bizkaiko 9 udalerritako 160 establezimendu baino gehiago kontsumitzaileen erosketa ohitura berrietara egokitu da, herritarrei, euren produktu eta zerbitzuen berri ematen dieten online bidezko plataforma berri baten bitartez. Besteak beste, Leioa, Getxo, Erandio eta Sopelako saltokiak daude horien artean. Planetafan izeneko plataforma, bereziki merkataritza txiki eta ertainarentzat sortu diren webgunean (www.planetafan.com) eta mugikorrerako aplikazio batean datza. Sustatzaileek azaldu dutenez, ekimeneko kide diren establezimendu guztiak, QR kodeko pegatina bat dute euren erakusleihoan, hauen eskaintza, eguneko 24 orduz ikusteko aukera emango diguna. Hau ikusteko, aplikazioak berak duen kode irakurlea erabiliz, pegatina eskaneatu, eta saltokiko erakusleiho birtualera iritsiko gara, non bisita birtual baten bitartez saltoki bertatik ibili ahal izango dugu, bertako promozioak ikusiz, edota hauen online bidezko denda bisitatu ere bai. Aplikazioa, Android edota Iphone euskarrietarako egokituta dago, eta dagokion “store”-an “Planetafan” idatziz aurkitu daiteke. Argazkian, Areetako Ibaigane kaleko saltokiak artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun