Algortako 74 urteko emakumea desagertuta dagoela zabaldu dute sare sozialen bidez bere senide eta lagunek. Familiarrek egindako larrialdi deiak oihartzun handia izan du jada paperezko komunikabide eta digitaletan. Izan ere, bere semeak adierazi duenez, joan den asteazkenean arratsaldeko 14:00ak aldera atera zen etxetik Algortako emakumea, eta orduz geroztik, etxekoek ez dute haren berririk izan. Senitartekoek salaketa jarri zuten berehala ertzain-etxean; eta polizia arduradunekin harremanetan jarritako iturriek diotenez, Ertzaintza gune zehatz batean bila ari ez bada ere, inguruan dabiltzan agenteak jakinaren gainean daude. Maria Begoña Santiago Ortuzar du izena desagertutako emakumeak. Praka zuriak, beix koloreko jertsea eta zapatilak zeramatzan ikusi zuten azken aldian. Baten batek zer edo zer jakingo balu beraiekin 112 telefono zenbakiaren bitartez harremanetan jartzeko eskatu dute senideek. Argazkian, desagertutako emakumea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun