Osasun Saila eta Osakidetza edukia lantzen ari dira, Ebola birusak eragindako infekzio-egoera jarraitzeko Batzorde bat sortu da EAEn, eta "beharrezkoak diren neurri guztiak hartuko dira" birusa eraginkortasunezko kontrolatu eta jarraitzeko.
Gainera, "Osakidetzako profesionalei prestakuntza handiagoa emango diegu, beren segurtasuna gure helburu nagusia baita", esan du Osasuneko sailburuak.
Azkenik, Darpónek berriro aipatu duenez, "egoera honetan, prestakuntza eta informazioa funtsezkoak dira, eta lanean ari gara prest egoteko eta pertsona guztiei segurtasuna eta lasaitasuna emateko, bai osasun-langileei, bai gainerakoei".
Ebola birusari buruzko galde-erantzunen txostena (pdf)
Eusko Jaurlaritzaren Osasun Publikoko adituek Ebola birusari buruzko galde-erantzunen txosten bat egin dute herritarrei zuzenduta, informazio "objektibo, argi eta zientifikoa" emateko. Dosierrak gaixotasunari buruzko informazio xehatua ematen duten 14 galde-erantzun ditu, eta edonoren eskura dago Osakidetzaren eta Osasun Sailaren webguneetan. Gainera, ahalik eta informazio gehien emateko eta sor daitezkeen zalantzak argitzeko, Osasun Sailak Osakidetzaren Osasun Aholkuaren telefonoa gaitu du. 902 203 020 da zenbakia eta 24 orduz funtzionatzen du egunero. Beste aukera bat webguneko osasun-aholkura joatea da. Horrez gain, Eusko Jaurlaritzaren Zuzenean-en (010) telefonoaren bidez ere emango da informazioa. Jon Darpón Osasun sailburuak berriro helarazi die herritarrei eta osasuneko profesionalei "lasaitasun" eta "konfiantza" mezua. "Kutsatzeko aukera txikia da Euskadin eta Osakidetza prestatuta dago egoerari behar bezala heltzea bermatzeko. Uste dugu, gainera, gardentasuna eta informazioa oso garrantzitsuak direla", adierazi du. Argazkian, Jon Darpón Osasun sailburua, artxiboko irudian / cc-by Irekia - Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun