Inaugurazioan izango dira, besteak beste, Iñaki Goirizelaia errektorea, Izaskun Landaida, Emakundeko zuzendaria eta Teresa Nuño EHUko Berdintasunerako zuzendaria. Jardunaldian euskara-gaztelania aldi bereko interpretazio zerbitzua egongo da.
Jardunaldien egitaraua (pdf)
Ostegun honetan, urriak 16, 09:00etan, "Berdintasunerako zenbait erronka unibertsitatean: sexu-aniztasunari eta genero-indarkeria" lelopeko jardunaldia abiatuko dute EHUko Zientzia eta Teknologia Fakultateko Paraninfoan (Sarriena auzoa, z/g. Leioa). EHUko Berdintasunerako Zuzendaritzak eta Psikologia Aplikatuko Zerbitzuak antolatu dute, Ikasleen, Enpleguaren eta Gizarte Erantzukizunaren arloko Errektoreordetzarekin batera. Ekitaldiaren helburuak dira lesbiana, gay, transexual eta bisexualen eskubideen eta Euskal Autonomia Erkidegoan garatzen diren politiken gaineko informazioa ematea; eta homofobiaren, transfobiaren eta genero indarkeriaren aurka unibertsitateko ikasle eta beste edozein kide sentsibilizatzea, tokiko iturriek azaldu dutenez. Jardunaldi hau ikasleak ditu zehatz-mehatz jasotzaile eta irekia ere bada unibertsitateko gainontzeko pertsonalarentzat. Sarrera librea da eta bertaratze-ziurtagiria emango da jardunaldia amaitzerakoan. Argazkia: © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun