Getxoko EH Bilduk aurkeztutako mozioa
Udal Arautegi Orokorra (UAO) berrikusi bitartean, ohiko osoko bilkuretako galde-eske txandan auzokideen hitza aktan jasota gera dadin proposatuko du Getxoko EH Bilduk, urriko udal batzarrean. Batetik ondokoa eskatuko diote ezkertiarrek Udalbatzari: "onartzea beharrezkoa dela auzokideek osoko bilkuretan egindako adierazpenak aktan jasota gelditu daitezela, behintzat, osoko bilkurako kideen adierazpenak jasota gelditzen diren bezala". Hori lortzeko, Udalbatzako kide guztiei (EH Bilduren zinegotziak barne), EAJren Gobernu Taldeari eta udal idazkariari galdegin diote, araudietan behar diren aldaketak egin eta onartu ditzaten, auzokideek Osoko Bilkuretan egindako adierapenak aktan jaso ahal izateko. "Neurri hauek hartutakoan, baloratzen den modu egokienean (udal bandoa, "Getxoberri"...) informatuko zaie auzokideei egoera berriaz, osoko bilkuretan parte hartzera animatzearekin batera", amaitu dute soberanistek. Argazkian, ordezkari politikoek gai zerrendarekin amaitutakoan hitza eskatzeko aukera izaten dute auzokideek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun