Egitaraua:
11:00 Martxaren hasiera, Erandioko Obieta plazan.
11:45 Geldiunea Leioko Bulebarrean, jateko eta edateko.
13:30 Berangora helduera. Moreaga parkea. Hanburgesa banaketa eta opariak.
14:00 DJ Xaibor.
16:00 Bigantxak, poniak...
18:30 Festaren amaiera eta txokolatada.
14:00-19:00 Puzgarriak, tirolina, lanzadera, cart-ak...
Igande honetan, urriak 19, Umeen Bizikleta Festaren zortzigarren edizioa ospatuko dute Uribe Kostan. Irteera bakarra egongo da Erandion, 11:00etan, Obieta plazan. Parte-hartzaileek Leioa eta Getxo udalerriak zeharkatuko dituzte, 13:30ean gutxi gorabehera Berangoko Moreaga parkera heldu arte. Plaza horretan helmuga kokatuko da. Moreagan umeentzako parkea jarriko da eta Bizikleta Jaia honetara hurbiltzen diren pertsonen artean opariak banatuko dira. Beraientzat hanburgesak ere izango da. Arratsaldean diskoteka egongo da eta bigantxak askatuko dira. Martxan parte hartzeko derrigorrezkoa da kaskoa eramatea. Gainera, Elkar Kirolak taldeak helburu solidarioa ere jarri nahi dio igandeko bizikleta festari. Hori dela eta, Erandio eta Berangon, dortsalak hartu eta entregatzeko tokietan, kilo bat elikagai ez-galkor (arroza, pasta...) eramateko eskatu diote parte-hartzaile bakoitzari. Gero, behar dituzten familiei emango diete elikagaiak, hiru herritako erakunde humanitarioen laguntzarekin. Argazkian, Uribe Kostako Umeen Bizikleta Festaren aurreko edizioetako bat / © Berangoko Albisteak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun