Oihukaren lehenengo iragarkia (© Uribe Kostako ernai)
Oihukaren bigarren iragarkia (© Uribe Kostako ernai)
Oihukaren egitarau kartel orokorra
Oihukaren larunbateko egitarau kartela
Oihuka Uribe Kostako Iraultza Astea izenpean, eskualdeko Ernaik hainbat ekimen burutuko du Uribe Kostan zehar, datorren asteko astelehenetik larunbatera. Gazte jardunaldiak gaur iluntzeko 20:30ean aurkeztuko dituzte, aldi berean, Algortan, Erandion eta Itzubaltzeta / Romon. Eskualdeko hiriburuan, aurkezpenarekin batera Cloverwind musika taldea entzun eta lunch-az gozatzeko aukera izango da, Txiki eta Otaegi herri goitizena duen San Nikolas plazan. Erandioztarrek, berriz, Altzagako Hegoalde herriko tabernan dute triki-poteoa abiatzeko hitzordua. Ordu bat beranduago ekingo diote aurkezpenari, pintxo mokaduen artean. Itzubaltzetan ere, poteoa izango dute aurkezpenarekin batera, abiagunea Gobelaurre parkean jarri dutela. Handik aurrera, zenbait ekimen burutuko dituzte herrian zehar. Astearen baitan, hitzaldiak, mahai inguruak, elkarretaratzeak, graffitiak, dantzak eta tailerrak izango dira, besteak beste. Larunbatean, hilak 25, Sopelako udaletxe plazak eta Larrabasterrako Urko kiroldegiak hartuko dute ekimenaren egun osoko jaialdia, ekitaldi politikoaren eta Siroka zein Patrol Destroyers-en kontzertuaren bidez amaiera izango duena. Argazkian, iaz Ernaik deitutako UK Martxaren irudi bat.
Dagoeneko, larunbateko bazkari txartela eta kontzerturako sarrera batzen dituen bonoa eros daiteke bost eurotan honako tokietan: Plentziako La Kala eta Izarraitz tabernetan eta Denontzat gaztetxean; Sopelako Laiak eta Mikelats herriko tabernetan; Leioako Kurkudi herriko tabernan; Algortako abian; Itzubaltzetako Brankan; eta Erandioko Beti Lagun tabernan.
Oihukaren lehenengo iragarkia (© Uribe Kostako ernai)
Oihukaren bigarren iragarkia (© Uribe Kostako ernai)
Oihukaren egitarau kartel orokorra
Oihukaren larunbateko egitarau kartela
Oihukaren lehenengo iragarkia (© Uribe Kostako ernai)
Oihukaren bigarren iragarkia (© Uribe Kostako ernai)
Oihukaren egitarau kartel orokorra
Oihukaren larunbateko egitarau kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun