Bidean, Iñarrituk luzatutako hainbat itaun erantzun gabe uzten ditu Defentsa Ministerioak: nork hartu zuen maniobrak egiteko erabakia eta zenbat soldaduk osatzen zituzten, horien berri nori eman zitzaion edota ohikoa den horrelako maniobrak "herri turistiko baten kostaldea okupatuz egitea, uda denboraldian bete-betean".
Iñarrituk egindako galderak eta Morenések emandako erantzuna (pdf)
Espainiako Armadak uztailaren 23an Sopelako kostalde inguruan egindako maniobretan, "jendearen partetik Unitatearen (sic) aurkako inolako protestarik ez zela egon, alderantziz, herritarren batzuk martxako kideengana hurbildu eta adiskidetsu agurtu zituztela" dio irailaren 5ean sinatutako bi paragrafo laburretako idatzian Pedro Morenés Areetako semeak zuzentzen duen Espainiako Defentsa ministroak. Madrilen Amaiurreko diputatu Jon Iñarrituk egindako galderei erantzun die Madrilek, Sopelako Udal Gobernuak bere garaian plazaratutako kexu eta salaketei muzin eginez. Areetarra ere bada Iñarritu. Ondokoa zehaztera mugatu da Defentsa MInisterioa: militarrek "trebakuntza eta beharren arabera, lurralde nazional guztian egiten dituzte ariketak, beti ere tokiko agintariekin kontaktuan eta koordinatuta; eta bizilagunei trabarik txikienak eraginez". Dagoeneko uztailaren 23an, maniobren berri, hedabideen bidez izan zutela salatu zuten agintari sopeloztarrek. Argazkian, Pedro Morenés artxiboko irudian / cc-by-sa Iglesia en Valladolid.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun