Familientzako euskarazko kirol jaia izango da igande honetan, urriak 26, Algortako Fadura kiroldegian, 11:00etatik 14:00etara, Getxoko Udalaren eta Egizu! euskara elkartearen arteko elkarlanaren emaitza den Sendi proiektuaren barruan. Getxoko Herri-Kirol taldea, Getxo Arku-Tiro taldea, Aixerrota Boleibol, Getxoko Etorkinak Plataforma eta Getxo Kirolak udal erakunde aunomoaren laguntza izan duen ekimena guraso eta 4 urtetik gorako seme-alabentzat izango da. Getxo Kirolen Hiri Europarraren izendapenagatik antolatutako ekitaldien artean ere kokatzen da. Bertan ohikoak ez diren kirolak praktikatu ahal izango dira, hau da, arku-tiroa, badminton, herri-kirolak eta zomba, udal iturriek zehaztu dutenez. Txanda laburretan lau kirolak probatzeko aukera izango da. Musika, zozketak eta azken momentuko sorpresak ere izango dira. Ume txikienentzat haurtzaindegi-zerbitzua egongo da Fadurako Txikigunean. Izena emateko 685 73 29 63 telefono deitu behar da edo sendigetxo[abildua]yahoo.com posta elektronikora idatzi, izenak, kopurua, adinak eta kontakturako telefono zenbakia zehaztuz. Argazkian, txiki zein handiak Sendik antolatutako ekimenez gozatzen / cc-by Egizu Getxo Euskaldun!.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun