Kalte zerebralaren eragile nagusiak iktusak eta traumatismo kranio-entzefalikoak dira, eta azken honen eragile nagusiak trafiko-istripuak dira, baita lanekoak edo kirol arlokoak ere.
Gaur egun, EAEn, hartutako kalte zerebralak eragindako desgaitasuna duten 20.000 pertsona baino gehiago daude. Kalte zerebral baten ondorioak asko dira, eta, larritasunaren eta kaltetutako aldearen arabera, mugikortasun-arazoak, komunikatzeko arazoak, defizit kognitiboak eta asaldura emozionalak eta jokabide arloko asaldurak agertzen dira. Ondorio hauen konbinazioak eguneroko oinarrizko jarduera batzuk egitea eragozten du kasuen %60an, eta desgaitasun larria edo osoa eragiten du kasuen %45ean.
Kalte zerebrala duten lagunek bere gaixotasuna ikusaraziko dute bihar Areetan
Ostiral honetan, urriak 24, hartutako kalte zerebrala duten (HKZ) lagunek aldarrikapen-jardunaldi ludiko bat egingo dute Portugalete eta Areetan, urriaren 26an Hartutako Kalte Zerebralaren Nazioarteko Eguna izango baita. Aldundiko iturriek jakinarazi dutenez, jardunaldia Bizkaiko Zubian hasiko da, 11:15 aldera (topalekua Portugaleteko "El Solar" plazan, Gran Hotel Puente Colgante hotelaren ondoan, jarri dute 10:45ean). Han, hartutako kalte zerebrala duten pertsonek Portugaletetik Areetara gurutzatuko dute itsasadarra, ontzitxoan zein goiko pasabidetik, beren gurpil-aulkietan edo trizikloetan, senideak eta profesional soziosanitarioak lagun. Pertsona horiek gizartean dituzten balioa eta espazioa aldarrikatzea izango da helburua. Jardunaldian, Pilar Ardanza Gizarte Ekintzako foru diputatuak Ignacio Quemada Bilboko Aita Menni ospitaleko zuzendari medikoak (ospitalea EAEko erreferentzia-zentroa da kalte zerebralaren tratamenduan) parte hartuko dute. ATECE Hartutako Kalte Zerebrala duten lagunen elkarteak ere adierazpena irakurriko du. Pertsona horiek parte hartu ondoren, ohorezko aurresku bat dantzatuko da, eta hartutako kalte zerebrala duten pertsonek ibilalditxo bat (12:00) egingo dute Areetako hondartzaraino. Churruca plazan emango diote amaiera ekitaldiari 13:00etan, aurretik Churrucaren morruaren amaieran (12:15) talde argazkia aterata. Argazkian, Pilar Ardanza Gizarte Ekintzako foru diputatua kalte zerebrala duten hainbat lagunekin solasean, aurreko batean / © Bizkaiko Foru Aldundia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun