Orain urtebete ekin zion EH Bilduk Getxok behar duen Euskara Ordenantza negoziatzeari EAJrekin. "Kirola, udal administrazioa, euskalduntzea, kanpo komunikazioa eta hizkuntza eskubideen aitortzan, besteak beste, aurrerapauso sendoak emateko bidean proposamenak egin ditugu denbora honetan zehar. Beti ere, herri honetako egoera soziolinguistikoaren lehen mailako ezagule diren euskalgintzako eragileen iritzia erabakigarria izan dadila exijituz", azaldu dute.
Getxoko EH Bilduk zabaldutako oharra (pdf)
Getxoko EH Bildu: "Ez dugu nahi aurpegi garbiketarako soilik balioko duen Euskara Ordenantzarik"
Getxoko EH Bilduren ustez, Udal Gobernuaren buru den "EAJ ez dago prest hizkuntza politikan salto kualitatibo garrantzitsua suposatzen duten konpromisoak hartzeko". Koalizio soberanistak dioenez, argi ikusi dute hori Euskara Ordenantzaren negoziazioan. Besteak beste, EAJk negoziazioa behar baino gehiago luzatu du "aurrerapauso sendoak emateko prest zegoenaren irudia eginez", ezkertiarrek salatu dutenez. "Baina, EH Bilduri emandako azken erantzunean argi zehaztu du ez dagoela zehaztasunetara jaisteko prest eta, oraindik larriagoa dena, inolako erabaki ahalmenik ez duen eta alkatearen aukeraketaren menpe dagoen Euskara Aholku Batzordean milimetro bat mugitzeko prest ez dagoela", Getxoko EH Bildutik azaldu dutenez. Aipatu koalizioak ez du nahi "aurpegi garbiketarako soilik" balioko duen Ordenantzarik eta horregatik ez dute EAJren azken erantzuna onartu. Hala ere, EH Bildutik legegintzaldi honetan zein datozenetan Getxok behar duen Euskara Ordenantzaren alde lanean jarraituko dutela adierazi dute. Argazkian, Maitane Nerekan eta Bingen Mendizabal Getxoko EH Bilduren zinegotziak udaletxe aurrean / cc-by Getxoko EH Bildu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun