Antonio Garamendi getxoztarra lehiatuko da Espainiako enpresarien buru izateko
CEOEk, Espainiako enpresa erakundeen konfederazioak, barne hauteskundeak izango ditu datorren abenduaren 17an. Juan Rosell egungo presidenteak bere hautagaitza berriz aurkeztuko duen baieztatzeke dagoen arren, bere kudeaketarekin kritikoak diren erakunde bazkideek hautagaitza propioa eratzeari ekin diote. Antonio Garamendi getxoztarra izango da Confesbask, Confemetal, Ametic, eraikuntzako konfederazioa eta Andaluzia, Valentzia eta Gaztela-Mantxako erakundeek proposatuko duten presidentegaia. Garamendik 56 urte ditu eta Cepyme enpresa txiki eta ertainen Espainiako konfederazioko lehendakariordea da, CEOEko Energia Batzordeko burua izateaz gain. Rosellen aurkakoak ugaritu dira Caja Madrid-eko "Black" txartelen eskandaluaren ostean, Arturo Fernandez CEOEko lehenengo presidenteordeak auzi horrengatik dimisioa eman behar izan duela. Argazkian, Antonio Garamendi / © Cepyme.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun