Oihukaren gaurko egitarau kartela
Sopela Uribe Kostako "Iraultza gunea" bilakatuko du gaur Oihukak
2014ko urr. 25a, 15:59
Uribe Kostako Ernaik pasa den astelehenean abiatutako Oihuka iraultza asteak bere azken eguna biziko du gaur, Sopelan eta Larrabasterran. Antolakuntza taldeak goizeko 10:30ean egin die harrera eskualde osotik heldutako gazteei, ordu erdi beranduago lau dinamikari hasiera emateko, ekologismoa, independentismoa, antikapitalismoa eta transfeminismoa hizpide. 14:30ean, elkartasun argazkia aterako dute Udaletxe plazan, ondoren bazkaltzeko. Arratsaldeko 4:30ean, berriz, eskualdeko musika taldeen maratoiaz gozatuko dute, Pre-okupales, Amago bikote akustikoa, Fort Ponker, Rusted, Meraki, Late to Scream eta Ikusmirak joko dutela. Gazte olinpiadak tarteko, 20:30ean kalejiran abiatuko dira gazteak, Larrabasterrako Urko kiroldegira heltzeko. Bertan, Oihukari amaiera emango dio ekitaldi politikoak, Siroka eta Patrol Destroyers-en kontzertuak gaua zabaldu aurretik. Argazkian, atzo Algortan egindako manifestakzioa.Atzo ere, 100 bat gaztek erantzun zioten Ernaik deitutako eskualde mailako manifestakzioari. Bertaratutakoek astearen errepasoa egin etabehin-behinekotasunak eraginda lan istripuetan hildakoei omenaldia egin zieten, Tosu Betirako asanbladari eta Aldapa 23ko etxetik botatako sendiari babesa agertzearekin batera. Manifestazioan zehar, etxebizitzaren kostea, ikasleen azterketak eta Lanbideko murrizketak salatu zituzten, festa giroan. Pilotan praktikatzeko aukera ere izan zuten, Iñigo Urkullu eta Yolanda Barcina lehendakariak, Mariano Rajoy Espainiako Gobernu presidentea, eta Jose Ignacio Wert Hezkuntza ministroaren buruak diana legez erabili zituztela. Imanol Landa Getxoko alkatearen aurkako kritikak ere izan zituzten. Algortako batzokiaren aurrean jarritako kartelean, Lewis Carrollek "Aliziaren abenturak Lurralde Miresgarrian" liburuan asmatutako Bihotzetako Erregina gisa agerrarazi zuten, "San Nikolas plazako erradikal zikinei" zein "Tosuko txakurtxistuei burua moztu diezaieten!" agintzen.
Oihukaren gaurko egitarau kartela
Oihukaren gaurko egitarau kartela
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun