"Tostartekoak zergatik behartuak aurkitzen dira eguraldi txarrarekin itsasoratzea eta baldintza horietan itsasoan daudenean lana egitera? Aski da! LABetik bai armadore elkarteari, baxurako kofradiei, EAEko Arrantza Sailari, Espainako zein Frantziako gobernuei zera exijitzen diegu: arrantza arduratsu eta iraunkorraren alde egin dezatela, tostartekoen baldintzak hobetzeko, belaunaldi aldaketarako eta gure flota bideragarria izateko apustua egin dezatela eta euren probetxurako arrantzale-langileon eskubideekin eta biziarekin ez jokatzeko", azaldu du LAB sindikatuak.
LAB sindikatuak ere doluminak adierazi dizkio atzo Barrikako uretan atzo zendutako Iñaki Irureta 45 urteko arrantzale getxoztarraren familia, lagun eta lankideei; baita elkartasuna agertu "lan istripuan" zauritutako Jacinto Lastrari. "LAB betidanik eskatzen ari da arrantza sektorearentzako lan baldintza duinak behar direla. Hau da, interes ekonomikoen gainetik tostartekoen segurtasuna bermatu behar dela eta adibidez, eguraldi txarrarekin ez itsasoratzea edo tokatzen zaizkien atsedenak bete ditzatela bai itsasoan baita lehorrean ere", salatu du langile erakunde abertzaleak. Guzti hori salatzeko, ostegunean, hilak 30, "gehiengo sindikalak", elkarretaratzea egingo du goizeko 11:30ean Algortako Portu Zaharreko kaian. LABek eman dituen datuen arabera, 2014ean, Euskal Herrian dagoeneko 35 langile hil dira euren lanpostuetan edo horien ondorioz, 3 Araban, 17 Bizkaian, 7 Gipuzkoan eta 8 Nafarroan. Argazkian, 2009ko apirilaren 28an, Lan Osasunaren Nazioarteko Eguna zela eta, kontzentrazioa egin zuen LABek eguerdian, Ereaga hondartza alboko Tamarises eta Igeretxe hotelen artean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun