EAJ-k eta Ezker Batuak osatzen duten udal gobernuak Sakonetako kiroldegia "hiltzen utzi" dutela salatu du Leioako EH Bilduk.Urteetako "utzikeria eta arduragabekeriaren" ostean, besteak beste, ondokoak aipatu dituzte: "igerilekuaren itxiera mugagabea da, dutxa eta aldagelen egoera negargarria, langileen lan baldintzen prekarizazioa eta batzuen kaleratzea, gimnasioa gainezka dago eta ez dauka aire-giroturik...". EH Bilduk dioenez, "erabiltzaileen kexak geroz eta ugariagoak" dira, instalazioen kontsezioa Guedan enpresak hartu duenetik. "EH Bilduk aurkezturiko kexen aurrean eta egungo egoeraren erantzukizunak eskatu ostean, Jon Lazkano Kirol eta Kultura zinegotziak egoera onartu beharrean harrotasunez erantzun digu Udalak azken 4 urteetan 650.000 euro inbertitu dituela esanez. Kopuru ez-nahikoa agerian geratu diren gabeziak ikusi eta gero. Konparaketa bat egitearren, Udalak 540.000 euro gastatu ditu Pinosoloko igerilekuko ur-txirristetan", azaldu dute ezkertiarrek. Argazkian, Pinosolon jarritako txirristak / cc-by Leioako EH Bildu.
Egoera horren aurrean EH Bilduk 5 puntutako proposamen bat egin du Leioak Kiroldegi duin bat izan dezan. Batetik, Sakonetan inbertsio plan bat martxan jartzea eskatzen du. Baita instalazioen oinarrizko erreforma (aldagelak, gimnasioko aire egokitua...) ere. Bestalde, kirol instalazioen "politika integrala" eskatu dute ezkertiaren, "herri osoa kontutan hartuko duena". Ildo horretan, kirol talde zein erabiltzaileen parte hartzeaz aritu dira, beharren eta hobekuntzen definizioan. Azkenik, "kiroldegi berria martxan jarriko duen prozesu parte hartzailea" nahi dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun