Ostiralero Astrabuduako osasun etxearen alboko parkingean jartzen duten azokatxoa Mendiguren plazara aldatzea eskatu du Erandioko PSE-EEk. Horrela, ez lituzkete bertako aparkatzeko tokiak erabilgaitz utzi behar izango, tokiko sozialisten hitzetan. Juan Otermin Erandioko PSE-EEren bozeramaileak azaldu duenez, "ostiralero, zazpi orduz, 40 aparkatzeko tokirik gabe geratzen da Astrabudua". Hori, aipatu jarduera Mendiguren plazara, eliza atzealdera, aldatuz saihestuko litzateke, bere ustez. "Espazioak eta horien balizko erabilerak berriro aztertuz konpon daiteke udalerriak daukan aparkaleku gabezia; auzokideen interesak eta beharrizanak bateragarri eginez, alegia", adierazi du Oterminek. Erandioko PSE-EEren arabera, udalerrian erroldatutako ibilgailu kopurua dagoen aparkatzeko tokiena "baino askoz handiagoa" da, "batez ere Astrabuduan eta Altzagan". Argazkian, Otermin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun