Ekimeneko kartela
https://flic.kr/p/pSuXAw
Algortako Bertsolari Eskolak eta "UK" aldizkariak antolatuta, Odei Barroso eta Xabi Paya bertsolariak Iparraz eta Hegoaz berbetan eta bertsotan arituko dira gaur iluntzean, Algortako Fadura kiroldegiko kafetegian, 19:30etik aurrera. Ekimena Getxoko Udalak sustatutako Iparra Galdu Gabe jardunaldien barruan kokatzen da eta sarrera doakoa da. Besteak beste, antolatzaileek zabaldu dutenez, Payak eta Barrosok "Ipar-Hegoaren egoera, hartu-emonak, distantziak, euskararen osasuna, antzekotasunak, erronkak, zubiak..." bezalako gaiak izango dituzte hizpide. Xabi Paya Ruiz algortarrak (1982) interpretazio eta itzulpengintza eta piano ikasketak ditu eginak. Itzultzaile, bikoizle, ikerlari eta irakasle lanetan eskarmentua dauka. Algortako Bertsolari Eskolan ibilitakoa, eskolen artean nahiz txapelketetan emaitza bikainak lortu izan ditu. Bizkaiko txapelduna izan zen 2006an. Donostia 2016 Kultur Hiriburutzarako kultur koordinatzailea izan da orain gutxira arte. Argazkian, Xabi Paya.
Odei Barroso Gomila (1988) Barakaldon sortu arren hiru urte zituenetik Urruñan bizi da. Bertsolaritza eskolak ematen ditu Ipar Euskal Herriko ikastoletan eta bertso-eskoletan. 2010eko Iparraldeko Bertsolari Txapelketan bigarren atera zen. Ttipi-ttipitik ibili da Odei hizkuntzarekin jolasean, euskara ardatz harturik: bertsoak eta rapa, azkeneko hau 2zio izeneko rap taldean.
Ekimeneko kartela
https://flic.kr/p/pSuXAw
Ekimeneko kartela
https://flic.kr/p/pSuXAw
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun