Argazkia handiago (jpg)
Atzo, osteguna, 18:30ean, hainbat lagun elkartu ziren Barrikako frontoian, argazkia ateraz, Imanol Beristain Gutierrez beraien herrikide eta Itzubaltzeta / Romoko seme zein Segiko arduradun izatea egozten dieten beste 27 gazteei babesa adierazteko. Irudia aterata, 19:00etan udaletxera abiatu ziren. "Hilabete bat egon gara EAJren atzetik mozioa sartzeko, eta atzeratu eta atzeratu ibili dira. Azkenik, atzo sartu zen mozioa eta onartua izan zen", UKBERRI.NETi adierazi diotenez. EAJk, Berdeek eta EH Bilduk alde egin zuten, baina IBarrika abstenitu egin zen. Hamar bat pertsona sartu ziren udal batzar aretora kamiseta laranja jantzita. Epaiketa abenduaren 18ra arte da luzatzekoa eta gazte bakoitzari 4.000 euro baino gehiagoko kostea eragingo die. Hori dela eta, Itzubaltzetako Libre ekimenak Beristain lagundu nahi dutenek erabil dezaketen kontua zabaldu du Laboral Kutxan: 3035 0243 07 2431030353. Argazkian, Barrikako lagunek UKBERRI.NETera igorritako irudia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun