Urtero bezala, gaur, asteazkena, azaroak 5, berbalagun taldeen aurkezpena egingo du Egizu Getxo Euskaldun elkarteak. Hitzordua 19:00etan jarri dute Algortako kultur etxean, Villamonten. "Berbalagun guztiak gonbidatuta zaudete eta proiektua ezagutu nahi duen edonork baita ere", adierazi dute euskara taldekoek. Bertan meriendatxo bat egingo dute eta jarraian aurkezpena. Bukatzeko, Udagoieneko Ostera jardunaldien barruan, Euskaltzaleen Topaguneak eta Egizuk elkarlanean antolatuta, Iñaki Garitaonaindia "Gari" euskal musikari ezagunak eskainiko du solasaldiaz gozatuko dute. Saio ireki hori 20:00etan izango da, "UK" aldizkariko kazetari batek zuzenduta. Aipatzea, hilaren 9an (igandea), azken sei urteetan bakarka edota bikote moduan ibili ondoren, MaldanBera taldearekin helduko dela Gari Areetako Andres Isasi musika eskolara, proiektu berri bati ekinez. Kontzertua 19:00etan hasiko da eta sarrerak 8 eurotan daude. Argazkian, berbalagunen merienda artxiboko irudian / cc-by Egizu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun