Bihartik, asteartetik, azaroaren 20ra bitartean zabalik egongo da Getxo udalerriko garapenerako gobernuz kanpoko erakundeak (GGKE) "indartzen" laguntzeko eskaerak aurkezteko epea. Hain zuzen ere, diru-laguntzak, besteak beste, egoitzen mantentze zein langileen eta heziketako gastuak ordaintzen laguntzeko izango dira. Getxoko Udalak 2014an 12.000 euro zuzenduko ditu deialdi horretarako. Iaz beste diru, beraz. 2012an, berriz, 18.720 eurokoa izan zen diru-kopuru hori. Diru-laguntza eskatu ahal izango dute Eusko Jaurlaritzaren Elkarteen Erregistroan eta Getxoko Erakundeen Udal Erregistroan erregistratuta dauden dirua irabazteko asmorik gabeko elkarteek. Bere xedeen artean nazioarteko garapen lankidetzarako ekintzak, garapenerako hezkuntzako ekintzak, edo/eta sentsibilizazio ekintzak egitea daude eta udalerrian egoitza edo ordezkaritza finkoa eduki beharko dute, eskabidea aurkeztu baino bi urte baino lehenagotik gutxienez. Argazkian, Imanol Landa alkatea Gizarte Zerbitzuekin elkarlanean aritzen diren hainbat elkarterekin, artxiboko irudian.
Eskabideak eta beharrezko agiriak herritarrei arreta egiteko bulegoetan (udaletxean, Getxon, Areetan edo Algortan) aurkeztu beharko dira, baita legeak aurreikusitako tokietan ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun