Gizarte Ekintza Sailak aurrekontuetan islatutakoaren arabera, 455.445 euroko inbertsioa egingo du Zainduz programa garatzeko, eta 44.000 euroko beste inbertsio bat programaren laguntza teknikorako. Laguntza horiek mendetasunaren arloko prestazio eta diru-laguntzen barruan daude; Bizkaiko Foru Aldundiak 105 milioi bideratuko ditu 2015ean arlo horretara.
Bizkaiko Foru Aldundiaren Gobernu Kontseiluak sei hitzarmen onartu zituen asteartean, azaroak 11, mendetasuna duten pertsonak etxe barruan zaintzeko programa garatzeko. Horren bitartez, arlo hauetako jarduerak finantzatuko dira: autonomia pertsonalaren sustapena, boluntariotza-jarduerak eta mendetasuna dutenen zaintzaileentzako laguntza psikosoziala. Kasu honetan, hainbat udalekin sinatu beharreko hitzarmenak onartu dira; tartean Getxokoa (11.855,08 euro) dela. Horrez gainera, Uribe Kostako Mankomunitatearekin sinatuko den hitzarmena ere onartu zuten, 18.561,74 euroko zenbatekoarekin. "Hitzarmen horiek guztiak onartzeak ekarriko du 58.397,7 euroko inbertsioa egitea. Beraz, Zainduk programa mantendu egingo da, eta, era berean, oraindik ere abiarazi ez den lekuetara ere zabalduko da", azaldu dute foru iturriek
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun