Ordubete baino gehiago luzatu zen mobilizazioa, Leioatik! Leioako campuseko ikasle proiektu komunikatiboak aipatu duenez. Bukaerako ekitaldian ikasleek adierazi zutenez, euskarak EHUn duen presentzia "negargarria" dela: "EHUko karrera asko eta asko ezin dira euskaraz ikasi bere osotasunean. Eta 'Euskal Herriko Unibertsitatean' ez bada, non izango ote dugu aukera kalitatezko hezkuntza publiko eta euskalduna jasotzeko? EHUk ez al luke ba, euskararen aldeko apustu tinko eta sendoagoa egin beharko?".
Elkarlanerako deia
Bitartean, unibertsitatean euskaraz bizi eta ikastea nahi bat izatetik errealitate bihurtzeko elkarlanera batzera deitu zituzten atzo ikasle, irakasle eta unibertsitateko langileak: "Egoera hau aldatu nahi dugun asanblada, antolakunde, proiektu, eta euskara taldeok epe labur zein luzeari begirako lanketari ekiten diogu gaur. Euskaraz ikasi eta bizi nahi dugun ikasleok saretzea ezinbestekoa da egoera aldatzeko", esan zuten.
Atzoko mobilizazioaren bideoa (cc-by-nc Leioatik!)
Manifestazio jendetsua hartu zuen atzo Leioa eta Erandioko campusak. Leioatik! ikasle proiektu komuninikatiboak zabaldu duenez, hainbat eragilek deituta, ehunaka ikaslek bat egin zuten EHUk euskaraz ikastea bermatzen ez duela salatzeko mobilizazioarekin. Gainera, behin martxa bukatuta, Medikuntza eta Zuzenbideko asanbladetako kideek Euskara errektoreordearekin biltzea lortu zuten, bi saiakera ustelen (ateak itxita zeuden) ostean. Bitartean, gainerako ikasleak errektoretza aurrean txistuka geratu ziren, barruan zeuden ikasleei elkartasuna txaloen bitartez adieraziz. Euskara errektoreordearekin egon ziren ikasleek adierazi zutenez, errektoreordeak ikasleekin beste behin biltzeko prestutasuna adierazi zuen; baita euskararen gaia gertutik jarraitzera ere. Argazkian, ikasle mordoa batu zen atzo "Euskaraz ikasi eta bizi nahi dugu!" pankartaren atzean / cc-by-nc Leioatik!
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun