Droga salmenta eta lapurreta txikiak saihesteko operatiboa jarriko dute Getxoko ikastetxeetan
Astelehenetik (azaroak 17) aurrera, abenduaren 17ra, biak barne, Ertzaintzak eta Getxoko Udaltzaingoak prebentzio-zerbitzua egingo dute udalerriko DBH edota LHko bederatzi ikastetxe inguruetan. Prebentzio-zerbitzuaren helburua, droga salmenta txikiak eta drogekin trafikatzea eta larderiazko lapurreta txikiak (batez ere dirua eta sakelako telefonoak) arma zuriekin egiten dituzten pertsonen presentzia saihestea da, Udalak adierazi duenez. Operatiboa modu koordinatuan egingo dute bi polizia erakundeek, eta horren arabera banatuko dituzte egunak eta ordutegiak, polizia-patruila desberdinek ikastetxeak zain ditzaten. Errondak eskolan sartu eta irteteko orduetan eta jolas-orduetan egingo dituzte. Halaber, tokiko arduradunek zehatu dutenez, bi poliziek euren artean informazioa trukatzen jarraituko dute, egindako ekintzei buruz. Ondoren, informazio hori erabiliko dute udalerriko ikastetxe guztietan burututako jardueren inguruko balorazio orokorra egiteko.
"Udaltzaingoa eta Ertzaintzaren arteko koordinazioa hobetzearen emaitza izan dira aurten jaietan eta bestelako ekitaldietan burututako ekintzak, polizia bakoitzaren funtzioak mugatuta, baita oraingoa bezalakoa edo oraindik irekita dauden beste ekintza batzuk ere, batera egin dituztenak", aipatu du Getxoko Udalak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun