Egizu Getxo Euskaldun elkarteak eta "UK" aldizkariak urte erdialdean abiatu zuten ArgIHIzkiak literatur lehiaketaren hirugarren edizioa, Uribe Kostako hainbat erakunde publiko (Leioa, Berango, Getxo; eta Makomunitatea) eta zenbait elkarterekin (Berbots, Bizarra Lepoan, Aitxu!, Berbalamiñe eta Leioako berbalagunak) elkarlanean. Bada, argazkietan oinarritutako hirugarren testu laburren lehiaketak baditu irabazleak. Gaur emango dituzte ezagutzera horien izenak, 19:30ean, Algortako Villamonte kaleko kultur etxean egingo duten ekitaldian. Sari banaketa egiteaz gain, ArgIHIzkiak lehiaketan oinarritutako erakusketa aurkeztuko dute saio berean. Mostra abenduaren 4ra arte egongo da ikusgai Villamonteko aretoan, astegunetan goiz zein arratsaldez, eta asteburuetan larunbatean bakarrik. Argazkian, ArgIHizkiak lehiaketako lanen erakusketa 2012an.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun