Erandion lapurtutako auto bat Barakaldoko istripu batean topatu du Ertzaintzak

Gaur goizaldeko 4ak aldera, auto istripua izan da A-8 autobidea Barakaldoko udalerritik igarotzen den zatian, 123. kilometroan, Kantabriarako bidean. Renault 19 modeloko autoak galtzadatik irten da eskuinetik, eta babes-hesiaren kontra jo du. Eusko Jaurlaritzako Segurtasun Sailak zabaldu duenez, hainbat patruila bertaratu eta ezbeharra izan duten bost pertsonak atxilotu ditu Ertzaintzak. Izan ere, ohiko egiaztapenak egin ondoren bostak zihoazen ibilgailua asteartean Erandion lapurtu zutela eta jarritako salaketaren berri izan dute poliziek. Gainera, gidariari, 25 urteko mutil bat, alkoholaren eraginpean gidatzea ere leporatu diote. Izan ere, positiboa eman ei du alkohol-kontrolean (0,57, ertzainen arabera) eta bide-segurtasunaren kontrako delitu batengatik inputatu dute. Atxilotutakoak 25 eta 37 urteko gizonezko bana eta 25, 31 eta 35 emakumezko bana izan dira, guztiak zauritu direla istripuan. Atxiloak Sestaoko ertzain-etxean daude, epailearen esku jartzeko zain. 37 urteko gizonak baino ez omen ditu aurrekariak; zehazki, lau aldiz atxilotu dute hainbat deliturengatik. Argazkian, gizonezko bat alkoholemia kontrola egiten / © Getxoko Udala.