Getxoko Udaltzaingoaren bertsioari jarraiki, ibilgailua arakatzean, xehetasuneko bi balantza, marihuana txikitzeko aparailuak, beste hiru kukulu, kristalezko botea eta barruan hiru plastikozko poltsa (normalean dosiak banatzeko erabiltzen direnak) aurkitu dituzte agenteek; baita kirola eta beste jarduera batzuk egiteko hainbat objektu ere. Atxilotuek esan dute ez dakitela norenak izan zitezkeen gauzak. Xehetasun handiagorekin egindako beste miaketa batean, 955 euro aurkitu ditu poliziak, autoaren gidariak barruko jantzian ezkutatuta zeraman beste galtzerdi batean sartuta.
Gainean zeramaten droga kopurua, dosietarako poltsak, balantzak eta dirua ikusita, udaltzainek bi gizonak atxilotu zituzten, osasun publikoaren kontrako delitu bat egotzita. Behar diren dilijentziak bete ondoren, epailearen esku geratuko dira aipatutako gizonak.
Getxoko Udaltzaingoak bi gizon atxilotu ditu gaur goizaldean, osasun publikoaren kontrako delitu bat egotzita. Udal iturriek zabaldutako bertsioaren arabera, 01:00ak aldera, Areetan herritarren segurtasunerako prebentzio lanak egiten ari ziren agenteek argirik gabe eta abiadura txikiarekin zihoan autoa ikusi dute. Kotxea geldiarazi dute eta udaltzainak gidaria identifikatzeko hurbildu direnean, barrutik marihuana usain gogorra ateratzen zela konturatu dira. Hori dela eta gidaria identifikatu dute, R.V. 20 urtekoa, bizilekua Getxon daukana; eta berarekin zihoana, A.C., 20 urtekoa, bizilekua Mungian daukana. Azken horrek osasun publikoaren kontrako aurrekari ugari ditu, Getxoko Udaltzaingoaren arabera. Bi gizonek lehenengo momentuan plastikozko poltsa bat eman diete tokiko poliziei, marihuana 15 kukulurekin. Ondoren, R.V. inizialduna arakatzen hasi dira eta une horretan A.C. gazteak ihes egin du Itzubaltzeta / Romorantza. Beste patruila batek Kresaltxu kalean harrapatu du. Ondorengo miaketan, udaltzainek bi eskuko telefono aurkitu dituzte eta atxilotutakoek esan dute ez zekitela norenak ziren. Gainera batek eskumako oineko galtzerdian ezkutatuta zeramatzan 100 euro ere hartu dituzte, beti ere iturri ofizialek zabaldutakoaren arabera. Argazkian, Getxoko Udaltzaingoak aurreko batean atzemandakoak / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun