"Staying Alive” ikuskizunean, sekretuen inguruan arituko dira ordu eta erdiz, zalantzan izanda informazioaren gizartean botere handiagoa daukan sekretua isiltzen duenak ala ezagutzera ematen duenak. Horrekin batera, islatuta agertuko diren beste gai eta sentsazioak misterioa eta frustrazioak eragiten duen ezinegona izango dira. Iragana zoragarri bilakatu duenean orainaldiak, beldurra, ahanztura eta fantasia nahasiko dira Bee Gees taldeak kantatzen zuen "Staying Alive"-ren munduan. Matarile Teatroak oihuka dator bueltan, Man uharteko taldeak aldarrikatu bezala, "bizirik darraigu" esateko, antzerkia aldarrikatuz adierazpide eta ogibide gisa, entzuleekiko joko energetiko bezala. Horretarako, zirkua, absurdoaren antzerkia, arrazoiaren erabilera irrazionala, akademizismoaren errefusapena, adi egotearen aldarrikapena, emakume manikia, espazioaren magia... erabiliko dituzte ikuskizun adimentsu, hunkigarri, dibertigarri, sakon eta zoli horretan.
Ana Valles buru, Matarilek talde izaera aldarrikatzeko eta artearen existentzia eta balioa aldarrikatzeko performancea egiteko: nahiz eta beldurra izan, bizirik jarraitzen dugu, bizirik mantentzen gara. Saioa amaitzean publikoarekin topaketa egingo dute aktoreek.
"Staying Alive” dantza ikuskizun eta antzezlanaren aurrerakina (© Matarile Teatro)
"Lehen aldia" zikloa
Arte eszenikoen zikloaren helburuei jarraiki, eskainiko diren bi ikuskizunak 5 urtetik beherako umeen beharrizan eta esperientzia sentsorialak kontuan hartuta ekarri dira. "H20"-n, ura izango da sorkuntzarako oinarri. Izan ere, elementu horri buruz dena dakigula badirudi. Baina hurbilagotik begiratzen dugunean, ustekabez beterik dago eta gaur egun arte misterioa izaten jarraitzen du zientzialarientzat. Ura botere handia da, hala izotz bloke bat bezala, nola iturri distiratsua edo gorako lurruna, edari freskagarria edo dena suntsitzen duen olatua bezala, soinu elementu bat edo argiaren isla. Ikuskizun honetan urak forma berriak hartzen ditu beti. Artistak eta entzuleak berdin inspiratzen ditu eta bizitzaren mirariaren ideia ematen digun poesia sortzen du. Ur tanta bakar batez hasten da...
"Kleur" obran, berriz, paper zuriko zoru bat izango dute abiapuntua, bertan zazpi ontzi zuri izango direla. Eszenatoki horretan arituko dira dantzari bi, zuriz jantziak. Saioaren hasieran, ontzi bat zabalduko da barnean margo urdina izango dela. Baina, zer egongo da gainontzeko ontzietan? Dantzariak katuka ibiltzen eta zoruan pirritan hasiko dira, paperean kolorezko markak utziz, pintzelekin koloreko margoa sortuz, eskuekin, gorputz osoarekin. Dantza, antzerkia, musika zuzenean, txikienak irudimena erabiltzera bultzatuko dituen ikuskizuna.
Asteburu honetan arte eszenikoen aldeko apustu irmoa egin du Kultur Leioak bere programazioan. Alde batetik, bihar, ostiralarekin, Matarile Teatro konpainia galiziarrak "Staying Alive” dantza eta antzerki ikuskizun aparta aurkeztuko du, Auditoriumean, 20:00etatik aurrera. Sarrerak 12 eurotan eros daitezke. Beste aldetik, larunbat eta igandean, etxeko gaztetxoenentzako “Lehen aldia” arte eszenikoen zikloak bi proposamen interesgarri ekarriko ditu. 22an, Helios Theather konpainia alemaniarraren "H20" lanaz gozatu ahal izango dute txikienek, hurrengo egunean Dansmarker talde holandarraren "Kleur" lana izango dutela ikusgai. Biek pase bikoitza izango dute, goizeko 12:30ean eta arratsaldeko 6etan. Halere, kopuru mugatuak dira. Bost eurotan ikus daiteke obra bakoitza. Argazkian, "Staying Alive” lanaren irudi bat / © Ruben Vilanova - Matarile Teatro.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun