Sexu aniztasuna eta askatasunaren aldeko bidean, bigarren ekimena egingo dute gaur Erandioko Gautxori elkarteko lokalean, Altzagako azoka zaharraren aurrean. Iluntzeko 6:30etik aurrera "The Rocky horror picture show" kultuzko film musikala proiektatuko dute. Emanaldiaren ostean, mokadua eta solasaldia izango dira. Filma Richard O'Brien aktore eta gidogilearen "The Rocky Horror Show" antzezlan musikalean oinarritu zuen Jim Sharman zuzendari estatubatuarrak 1975ean. Filmaren protagonistak Tim Curry, Susan Sarandon eta Barry Bostwick aktoreak izan ziren. Estreinatu eta denbora gutxira kultuzko filma bilakatu zen, gaur egun arte eta batez ere mundu anglosaxoian zinema areto eta antzoki ugaritan antolatutako ikuskizun eta festetan pantailaratu izan ohi dela. Ez da gatza zaleak filmako pertsonaien gisa mozorrotuak agertzea edo soinu bandako abestiak abestea. Argazkian, "The Rocky horror show" antzezlanaren irudi bat / cc-by Sebastian Dooris.
Filmean, neska-mutil bikote bat (Barry Bostwick eta Susan Sarandon) euren adiskide batzuen ezkontzatik itzultzean ekaitz bortitz batek harrapatu eta haien autoa matzuratzean gaztelu batean ostatu hartuko dute. Gaztelu hori Frank-N-Furter doktorearen jabetza da, Frankestein moduko izaki baten sorkuntzan buru-belarri dabilen zientzialari bat. Bestalde, gazteluan Urteroko Transilvaniar Topaketa ospatzera doa. Bikote gazte eta xaloa ez da jabetzen bizi behar dituen gertakizun esperientzia berriak zeintzuk izango diren...
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun