Egitaraua
• 9:30ean, lan-jardunaldiaren aurkezpena eta Euskal Herriko 3. Sektoreko irratien inguruko azalpen orokorra (definizioa, sorrera, garapen eta gaur egungo egoera). Arantza Gutierrez Paz, EHUko Ikus-entzunezko Komunikazio eta Publizitate Saileko irakaslea.
• 10:00etan, Arrosa irrati-sarearen ibilbidea eta gaur egungo jarduna. Jon Aranburu, Arrosako koordinatzailea.
• 12:00etan, Antxeta irratia, hiru administrazio-eremuetan ari den 3. sektoreko irratia. Agus Hernan, Antxeta irratiko kidea.
• 15:00etan, Workshop: Euskal Herriko 3. Sektoreko irratien erronkak: araudia, finantzabideak, mugimenduaren egoera, edukiak, legeztapena... Itxaso Fernandez, koordinatzailea. EHUko Ikus-entzunezko Komunikazio eta Publizitate Saileko irakaslea.
• 16:30 Mahai-ingurua: Retos regulatorios para la radio y television de proximidad (“Gertuko Komunikazio Mehatxupean” Kongresuaren barruan)
Moderatzailea: Ramoon Zallo (EHU) Maribel Fernandez (UAB), Patxi Azpillaga (EHU), Javier Garcia (REMC) eta Arantza Gutierrez (EHU).
Irrati libre eta komunitarioez mintzatuko dira gaur Bilbon
2014ko aza. 28a, 03:52
EHUk Leioa eta Erandion duen campuseko Ikus-entzunezko Komunikazio eta Publizitate Sailak antolatuta, gaur "Hirugarren Sektoreko Irratiak" izeneko lan-jardunaldia izango da Bilbon, Bizkaia Aretoan, Abandoibarra etorbidean, goizeko 9:30etik aurrera. Hirugarren sektoreari deitzen zaio irabazi-asmorik gabeko erakunde edo elkarteenari. Irratigintzaren kasuan, honako hauek barne hartzen ditu: irrati aske, komunitario, elkarteko eta asoziatiboak. Lan-jardunaldian ikasle, irakasle, ikertzaile eta hirugarren sektoreko irratien ordezkariek hartuko dute parte. Tartean, Euskal Herriko irrati komunitarioak biltzen dituen Arrosa Sareko koordinatzaileak, Jon Aranburu. Partaideak gaurko eta etorkizuneko erronkei buruz mintzatuko dira, baita Euskal Autonomia Erkidegoko irrati-lizentziei buruz ere. Justuri irratiari behin-behinean lizentzia agindu ostean bertan behera utzi zuten lehiaketa hura. Orain gutxi, epaitegiak Eusko Jaurlaritzari arrazoia kendu eta irratiei ematen hasi dira, baina Jaurlaritzak epaia bete ez eta Espainiako Auzitegi Gorenean helegitea jarriko duela jakinarazi du. Jardunaldian ponentzia guztiak euskaraz izango dira. Ekitaldi bakarra egingo da espainolez, arratsaldeko mahai-ingurua. Argazkian, Arrosa Sareko agerraldi bat / cc-by Arrosa Sarea.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun