Geratzen diren saioak:
- Abenduak 4. "Gerren arteko pizkundean" izeneko dokumentalak erakutsiko du Iraultza Frantsesak eta Foruak galtzeak hizkuntzaren beste atzerakada bat ekarri zutela. Hala ere, XX. mendearen hasieran euskarak beste berpizkunde txiki bat izan zuen kultur mugimendu erromantikoari esker.
- Abenduak 11. "Mundua osatzen" azken dokumentala izango da eta horretan 36ko gerrak eta frankismoak eragindako urte ilunak aipatuko dira eta baita hemendik aurrerako erronka berriak eta hainbat klabe ere.
XIX. mendearen errealitate politiko nahasiak euskaran izan zuen eragin gogorra eta XX.aren hasieran euskarak bizi izan zuen berpizkunde txikiari buruzko xehetasunak ikusi ahal izango dira ostegunean, abenduak 4, Algortan, euskarari buruzko bosgarren dokumentalean. "Gerren arteko pizkundean" izeneko proiekzioa Villamonteko kultur etxean izango da, 19:30ean, Getxoko Udalak antolatuta. Astero bezala, Euskara Jendea zikloko proiekzioaren iraupena 40 bat minutukoa izango da eta amaitutakoan solasaldia izango da, Hibai Castro dokumentalen zuzendariaren partaidetzarekin. Sarrera doakoa izango da. Argazkian, Hibai Castro dokumentalen grabaketa lanetan / © Euskara Jendea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun