Dortsalak udal igerilekuen sarreran jaso beharko dira honako egunetan: abenduaren 12, 19, 26, 29 eta 30ean 18:00etatik 20:00ak arte.
Proba parte-hartzailea izango da, eta ez lehiakorra. Hau da, amaieran ez da inolako sailkapenik edo sari-banaketarik izango. Parte-hartzaile guztiek opari bat izango dute proba amaitzerakoan, eta edaria eta jatekoa izango dute eskura. Proba mozorrotuta egiten duten lagunek ere opari berezi bat izango dute.
Parte-hartzaileek Urko kiroldegiko dutxak erabiltzeko aukera ere izango dute probaren ostean.
Lasterketaren amaieran, 18:15ak aldera, parte-hartzaile guztien artean hainbat opari zozketatuko dira. Horrekin lotuta, antolakuntzak Larrabasterrako komertzioen babesa eta laguntza eskertu du.
San Silvestre lasterketa egingo dute lehendabiziko aldiz Sopelan
2014ko abe. 3a, 19:33
Urteari amaiera ezberdina emango diote aurten Larrabasterran. Lehenengo aldiz, Sopelako Udalak eta Hirubi Triatloi Taldea San Silvestre lasterketa herrikoia antolatu dute, Munarri Atletismo Taldearen laguntzarekin. Beste herri askotan tradizionala den lasterketa… Madrilen, besteak beste. Hitzordua, beraz, abenduaren 31n izango da, 17:00etan, Urgitxieta plazan. Hiru lasterketa ezberdin izango dira, adinaren arabera: lehenik eta begin, 7 urtera arteko txikiek 400 metroko ibilbidea egin beharko dute. Bigarrenik, 17:15ean hasita, 800 metro izango dituzte aurrean 8 eta 14 urte arteko gazteek. Azkenik, "nagusiek" (14 urtetik aurrera) lai mila metro egin beharko dituzte, 17:30etik aurrera. Parte hartzeko ezinbestekoa izango da aldez aurretik izena ematea, hirubi.triatloi[abildua]hotmail.com helbidean, honakoa adieraziz: izena, abizenak, jaiotze-data eta adingabea izatekotan, tutorearen baimena. Epea abenduaren 28an agortuko da, edo 500 izen-emateetara heltzerakoan. Izena emateko euro bi ordaindu beharko dira (dortsala jasotzerako orduan). Jasotako diru guztia Aimar burmuineko paralisia duen Sopelako umearentzat izango da. Aimarren inguruko informazio guztia www.aimarelsaltadordeobstaculos.es web orrian topa daiteke. Argazkian, Hirubik antolatzen duen Sopelako duatloiaren aurreko edizioetako bat / © Sopelako Udala.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun