Ixteko ordutegia heltzen denean, establezimenduen barruan dauden erabiltzaile edo bezeroek beranduenez 30 minututan egin beharko dute alde, udal arduradunek ohartarazi dutenez. Une horretatik aurrera, lokalen barruan egokitze eta garbiketa lanak egin beharko dituztenak baino ezin izango dira egon.
Larunbat honetatik (abenduak 13) urtarrilaren 6ra arte, Gabonetan ostalaritzako 2, 3 eta 4 taldeetako establezimenduak zarratzeko ordutegia araudiak baimentzen duen gehienezkora zabalduko du Getxoko Udalak, sektore honetako jarduera laguntzeko asmoz. Hori horrela, abenduaren 13, 19, 20, 26, 27 eta 31n, eta urtarrilaren 2 eta 3an (ostiral, larunbat eta jai-bezperak) kafetegiak, tabernak eta abar 04:30ak arte egon ahal izango dira zabalik; pubak, klubak eta horrelakoak 06:00etan itxi beharko dute eta diskotekak 08;00etan. Aipatutako denboraldiko gainontzeko egunetan ordutegia 03:00ak artekoa izango da kafetegi eta tabernentzat; 04:30ak arte pub eta klubentzat; eta 06:30era artekoa diskotekentzat. Ordutegi zabaltze horrek ez du terrazetan eraginik izango, 09:00ak eta 23:00ak artean zabalik egoteko baimena izango baitute, ostiral eta jai-bezperatan ezik, orduan gauerdira arte erabili ahal izango baitira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun