Esandako herrietako batzokietan era guztietako pintxoak eskainiko dira. Erandio Bekoan, esaterako, odoloste, txorizo, tortilla eta olagarro mokaduak jarriko dira salgai; Erandio Goikoako batzokian txorizo pintxoak eskainiko dira eta Astrabuduako batzokian "pintxo moruno’ delakoak. Derion, barrengorria izango da protagonista; Larrabetzun txorizoa sagardotan egina, eta Loiun bi egongo dira aukeratzeko: txistorra eta entsalada errusiarra. Lezaman, Zamudion eta Sondikan talo egin berriak eskainiko zaizkie igandekoa ongintzan inbertitu nahi duten guztiei.
Down Sindromearen Fundaziora bisita
Iragan asteazkenean, Txorierriko uri erakundeetako hainbat ordezkari eta Aitziber Oliban eskualdeko burukide astrabuduarra Down Sindromearen Fundazioak Bilbon duen egoitzara hurbildu ziren, talde honek egiten duen lana lehen eskutik ezagutzeko.
Adierazi dutenez, “elkarte honi asko diogu eskertzeko. Paregabea da egunero egiten duen lana. Bereziki harritu gaitu trastornoren bat duten umeekin edo arazorik izateko arriskutan egon daitezkeenekin arreta goiztiarra emateko egiten duten lana. Pozik egongo gara gure ahalegin txikiarekin beraiek gizarteari ematen diotenaren zati bat itzultzea lortzen badugu”.
Txorierriko EAJren uri erakundeek igande honetan, abenduak 14, egingo dute "eskualde" mailako jardunaldi solidarioa. "Une latzak dira gaur egungoak, eta laguntasun guztiak dira beharrezko", diote jelkideek. Baldintza hori helburu hartuta, eskualdeko uri erakundeek era guztietako pintxoak jarriko dituzte salgai. Salmentatik jasoko den dirua Down Sindromearen Fundaziorako, Bizkaiko Elikagaien Bankurako eta Gizarte Larrialdietarako Laguntasunen ekarpenetarako emango dira. Jardunaldi solidarioa goizeko 11:30etik 14:00era izango da Erandio Bekoa, Erandio Goikoa, Astrabudua, Derio, Lezama, Zamudio, Sondika, Loiu eta Larrabetzuko batzokietan. Argazkian, Txorierriko uri erakundeetako hainbat ordezkari eta Aitziber Oliban eskualdeko burukide astrabuduarra Down Sindromearen Fundazioak Bilbon duen egoitzara hurbildu ziren asteazkenean / © Txorierriko EAJ.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun