Guztiok beharko dugu, une batean edo bestean, zainduak izan, eta horretaz baliatu da sistema neoliberal patriarkala zaintza horiek merkantzia bihurtzeko, askotan langile zaurgarrien bizkarrean zamatuz, gutxi batzuek etekin ekonomikoak izan ditzaten. Logika horri berari erantzuten dio zerbitzu publikoen pribatizazioak herritarren beharrei baino gehiago, horrek kalitatea murriztea ere ekarriz.
Horregatik guztiagatik, azaroaren 30ean, den-denok gelditu behar dugu, eskola, enpresa, osasun zentro, zahar-egoitza, ostalaritza, udal-zerbitzu, lantegi, garraio edota unibertsitateetan… Zaintza behar dutenengan eta zaintzen gaituztenengan arreta berezia jarriz, kalean zaintza sistema publiko komunitarioa aldarrikatuko dugu, zaintzaileen bizitza ere erdigunean jartzen duena; haientzako eta langile guztientzako bizitza duina izateko beharrezko lan-baldintzak exijituko ditugu.
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.
