Aritu ginen frankismoaren itzal luzeaz, ETAz, atentatuez, presoez eta bestez, baina tonu larriko kontakizun hartan, guri ia oharkabean joan zitzaigun detaile batek deitu zuen haren arreta. "Benetan ez zeniokete polizia bati euskaraz egingo?". Ezetz nik, eta ezetz besteek. Behin, bereziki indartsu sentitzen nintzen batean, ausartu nintzela kontrol batean Guardia Zibil bati "arratsaldeon" esaten, eta bereziki kikilduta amaitu nuela, agur horregatik bakarrik jasotako tratuagatik. Harritu egin zen, eta haren harridurak harritu ninduen ni.
"Ertzainekin ere ez?", galdetu zuen orduan. Eta zalantza gehiagorekin baina ezetz denok berriz ere. Eta harrituta bera berriz ere.
Iruditu zitzaidan gizarte justuago baten aukera erakusten zuela haren keinuak, eta maiz gogoratu naiz harekin. Zer esanik ez, auzitegiek, Erandion, udaltzain izateko euskara jakin beharrik ez dagoela ebatzi zutenean.
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.
