Eguazten honetan, otsailak 3, Pinosolori buruzko azalpenak emango dituzte Eusko Legebiltzarrean Ana Oregi sailburuak eta gaur egun Metro Bilbao garraio enpresako zuzendaria den Eneko Arruebarrena Leioako alkate ohiak. Ingurumen eta Lurralde Politika batzordean egingo dute agerraldia, 11:30etik aurrera, EH Bilduren eskariz. Saioa zuzenean jarraitzeko aukera egongo da.
Jon Loizaga Leioako Kirol zinegotzi ohiaren agerraldia ere eskatu zuen koalizio soberanistak. Ostera, EAJk eta PPk eskaria tramitera ez onartzea erabaki zuten batzordeko mahaian. Hartara, Loizagak ez du bihar azalpenik eman beharrik izango.
Pinosoloko proiektuari buruzko ikerketa batzordeak “ustelkeria zantzu garbiak" azaleratu zituen azaroan. Eneko Arruebarrena alkate ohia eta Jon Loizaga Kirol zinegotzi ohia —biak ala biak EAJkoak— lotzen ditu izan diren irregulartasunekin.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!