Arruebarrena eta Loizagari aplika litzaizkiekeen delituak preskribatutzat jo ditu Bizkaiko fiskal nagusiak: proiektu ezberdinen arteko antzekotasunak egin arren, Pinosoloko kiroldegiaren esleipen prozesuagaz jarraitu izana; informazio pribilegiatua erabili izana eta iruzurra. Halaber, Renania-Westfalia eskualdean (Alemania) dagoen Carolus bainuetxera egindako bidaia ordaintzeko diru-publikoa erabili izana ez du ikertzen jarraituko Carmen Adan del Riok; besteak beste, Jon Loizaga Kirol zinegotziak, Aros eraikuntza enpresako ordezkariek eta Joaquin Pujol arkitekto katalanak gozatu omen zuten egonaldiaz.
Pinosologaz lotutako "erretentzio ilegala" ikertuko du fiskalak
Pinosolo auzian, erantzukizun penalak ikertzeko hasierako diligentzietan lekuko gisa deklaratu zuen pertsona baten salaketa ikertuko du Carmen Adan del Rio Bizkaiko Lurralde Auzitegiko fiskalak. "El Mundo" egunkariak zabaldutakoaren arabera, artxibatutako PPren salaketatik kanpo egongo litzateke aipatutako ikerketa; lagun hori "legez kontra erretenitu" omen zuten. Ustez lekukoak berak emandako audio-grabazio bat ere dago, zeinean Leioako Udalak egiten zituen obren esleipenak "kidetasun politikoa" kontuan hartuta egiten direla frogatuko litzatekeen. "El Mundo" egunkariak argitaratu du. PPk Eneko Arruebarrenaren (Leioako alkate ohia eta Metro Bilbaoko zuzendaria) eta Jon Loizagaren (Leioako zinegotzi ohia) kontra aurkeztutako salaketa artxibatzeko ebazpen-txostenean ikerketa berriaren gaineko zehetasun gehiago ez du ematen Adan del Rio fiskalak.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun